Haaland apata majeraha
Mshambuliaji wa Manchester City, Erling Haaland amejiondoa kwenye kikosi cha Norway kwa ajili ya mechi yao ya kwanza ya kufuzu kwa Euro 2024 kutokana na majeraha.
Haaland alipata tatizo la paja baada ya kufunga hat-trick katika ushindi wa 6-0 wa City dhidi ya Burnley kwenye robo fainali ya Kombe la FA Jumamosi. Inamaanisha kuwa atakosa mechi za Norway dhidi ya Uhispania na Georgia katika Kundi A.
“Erling alichukua hatua kali alipogundua kwamba hangeweza kupigania timu,” alisema kocha wa Norway Stale Solbakken.
"Kwa bahati nzuri, bado kuna kujiamini, talanta na mshikamano mwingi katika kundi hili kushinda pointi katika mechi zinazofuata."
Daktari wa timu ya taifa ya Norway Ola Sand aliongeza: "Baada ya kufanya vipimo na uchunguzi jana ilibainika kuwa hatafanikiwa katika mechi dhidi ya Uhispania na Georgia.
Ni vyema akapata ufuatiliaji wa kimatibabu katika klabu yake." Haaland amefunga mabao 21 katika mechi 23 alizoichezea Norway tangu alipoanza kucheza akiwa na umri wa miaka 19 mnamo Septemba 2019.
Kikosi cha Pep Guardiola kiko nafasi ya pili kwenye Ligi ya Premia, pointi nane nyuma ya vinara Arsenal wakiwa na mchezo mkononi, na watacheza na Liverpool kwenye Uwanja wa Etihad tarehe 1 Aprili.
Pia watamenyana na Bayern Munich katika robo fainali ya Ligi ya Mabingwa na Sheffield United katika nusu fainali ya Kombe la FA kwenye Uwanja wa Wembley mwezi ujao.